أنا معاكم من الألف للياء، و أضربت عن الامتحان أقصد الامتهان، بالرغم من أن الجميع و لدلوقت بيقولولى انى عبيطة انى عملت كده وان كل اللى دخلوا الامتحان هينجحوا وانا ضيعت فرصة.

المسألة مش مسألة نجاح وسقوط، و الحمد لله لو هى مسألة نجاح أنا كنت أتوقع ان انجح لو كنت دخلت بمشيئة ربنا، لأنى متعودة ع الامتحانات بحكم انى باحضر دكتوراه فى التربية دلوقت و طول السنة كورسات و امتحانات. إنما المسألة مسألة مبدأ. أمتحن ليه.؟؟؟؟ وزير التعليم لو عايز يطور التعليم ما استفدش بينا احنا ليه - الحاصلين على الماجستير و الدكتوراه فى التربية ونعمل فى حقل التعليم- كان ممكن جداً بدل الملايين اللى اتصرفت على الفاضى على امتحان ما لوش أى لازمة أنه يدرب كل المدرسين، و تدريبات على أعلى مستوى على احدث أساليب التدريس. لكن المسألة أبداً ما كانتش رفع مستوى المعلم و التعليم الموضوع أكبر من كده.

حسبنا الله و نعم الوكيل

عايز افهم حاجه هو من امته زياده المرتبات مرتبطه باختبارات والله احنا نستاهل اكتر من كدا عشان سلبيتنا وسكوتنا على حقوقنا وفى ايدينا نعتصم ونقلب الدنيا ونشل حركه التعليم فى البلد هو احنا شويه بس ياريت نبطل جبن بحجه الخوف على لقمه العيش لحسن لو سكتنا مش هنلاقى عيش حاف وهنبقى اضحوكه الناس جوه مصر وبره مصر ومنك لله يا جمل انت وعصابتك ال هدفهم تخريب التعليم وحسبى الله ونعم الوكيل